معروف بھارتی کپور خاندان کے چشم و چراغ انتقال کر گئے

بالی وڈ کے مشہور اداکار ششی کپور نہیں رہے۔ ان کا 79برس کی عمر میں منگل کو ایک طویل بیماری کے بعد انتقال ہو گیا۔
ششی کپور کے انتقال کی خبر کے بعد سے سوشل میڈیا پر اداسی محسوس کی جا سکتی ہے۔ انڈیا کے صدر اور وزیر اعظم نے بھی ٹوئٹر پر ششی کپور کو خراج عقیدت پیش کی ہے۔

صدر کا کہنا تھا کہ ششی کپور کو پروڈیوسر اور اداکار کی حیثیت سے بامعنی فلموں اور انڈیا میں تھیٹر کی تحریک میں مرکزی کردار کے حوالے سے انھیں یاد یاد رکھا جائے گا۔

انڈین صدر
انڈین صدر نے ٹویٹ کر کے خراج عقیدت پیش کی۔

لیکن کئی لوگوں نے یہ سمجھا کہ اداکار ششی کے ہمنام کانگریس کے رہنما اور معروف ادیب ششی تھرور انتقال کر گئے ہیں۔
اس پر ششی تھرور نے ٹویٹ کر کے اس بارے میں بتایا ہے۔انھوں نے لکھا کہ ’ہمارے دفتر میں لوگ کال کر کے تعزیت کر ہے ہیں۔ میری موت کی خبریں، اگر مبالغے پر مبنی نہیں تو قبل ازوقت ضرور ہیں۔‘

ششی تھرور
کئی لوگوں کو ششی تھرور کے انتقال کی غلط فہمی ہو گئی۔
ادھر ششی کپور کی یاد میں پورا بالی وڈ غمزدہ ہے۔اداکار اجے دیوگن نے ٹوئٹر پر لکھا ہے کہ ’ششی کپور جی آپ کو بھلایا نہیں جا سکے گا۔‘

ششی کپور
اجے دیوگن نے ٹویٹ کیا۔

اکشے کمار نے ٹوئٹر پر لکھا ہے کہ ’ میرے پاس ماں ہے۔۔ آپ کا یہ مشہور ڈائلاگ سن کر بالی وڈ کے بے شمار خواب آنکھوں کے سامنے آ جاتے ہیں۔ سنیما کے لیے آپ کی غیر معمولی خدمات ہمیشہ یاد رکھی جائیں گی۔
ششی کپور
اجے دیوگن نے کہا کہ ششی کپور ہمیشہ یعد کیے جائیں گے۔

اداکارہ بپاشا باسو نے بھی انہیں خراج عقیدت پیش کرتے ہوئے لکھا ہے کہ ’سب آپ کو بہت یاد کریں گے۔‘
ششی کپور
ششی کپور کی وفات پر غم میں ڈوبا بالیوڈ۔

کرکٹر ویریندر سہواگ نے ششی کپور کا مقبول ڈائلاگ ‘میرے پاس ماں ہے‘ ٹوئٹر پر لکھ کر انہیں خراج عقیدت پیش کیا۔انہوں نے لکھا ہے کہ ’آپ اداکاروں کی آنے والی نسلوں کو متاثر کرتے رہیں گے۔‘

اپنا تبصرہ بھیجیں