بندے مروائے جارہے ہو۔۔تم ہو کس کام کے؟؟یہ ایک کام کیوں نہیں کر لیتے؟؟پاک فوج نے افغان صدر کو قابل تعریف مشورہ دےڈالا‎

میرانشاہ (مانیٹرنگ ڈیسک)فوجی حکام کا کہنا ہے شمالی وزیرستان میں آپریشن کے بعد سرحدکے اس طرف سکیورٹی کا کوئی مسئلہ نہیں بلکہ تمام خطرات سرحد کے اس پار افغانستان کی جانب سے ہیں۔انہوں نے بتایا کہ سرحد کی سکیورٹی معاملات پر پاکستانی فوجی حکام ،افغان نیشنل آرمی کے اہلکاروں کے ساتھ باقاعدہ مشورے کرنے کا خواہشمند ہیں۔

فوج کے شعبہ تعلقات عامہ آئی ایس پی آر کی جانب سے شمالی وزیرستان دور ے پر جانے والے صحافیوں کو بتایا گیاکہ پاکستانی حکام کی خواہش ہےکہ سرحدی امور اور سکیورٹی کی نگرانی سے متعلق تین ماہ میں ایک اجلاس کا انعقاد کیا جا سکے تاکہ سرحد پر غیر قانونی آمدورفت کو روکا جاسکے۔انہوں نے کہا کہ ہمارے لیے افغان حکام کیساتھ بات چیت میں کوئی مسئلہ نہیں تاہم افغان سرحدی حکام اکثر اجلاس کیلئے حاضر نہیں ہوتے۔

انہوں نے کہا کہ افغانستان سائیڈ پر کافی علاقے سکیورٹی فورسز کے کنٹرول سے باہر ہیں۔انہوں نے کہا کہ افغانستان کے ساتھ غلام خان سرحدایک ماہ میں کھول لیا جائے گی اور اس سلسلے میں سرحد پر لوگوں کی شناخت اور قانونی آمد ورفت کے علاوہ تجارتی گاڑیوں کی سکینگ کیلئے ایک منظم نظام بنایا جارہا ہے۔

اس وقت نادرا اور کسٹم سہولیات کے علاوہ دیگرسہولیات کی فراہمی کیلئے ایک موثر نظام پر کام ہو رہا ہے اور یہی وجہ ہے کہ زیادہ سہولیات فراہم کرنے کی پیش نظر سرحد کھولنے میں تاخیر ہو رہی ہے۔ یاد رہے کہ پاکستانی مسلح گروہوں اور ان کے غیر ملکی شدت پسند مہمانوں کے خلاف جون 2014کے آپریشن کے بعد غلام خان سرحد بند کردی گئی تھی۔

غلام خان سرحد طورخم اور چمن کے بعد تیسرا بڑا کراسنگ پوائنٹ ہے جہاں سے روزانہ سینکڑوں گاڑیاں اور لوگوں کی قانونی آمدو رفت شروع ہو جائے گی۔غلام خان چمن اور طورخم کے علاوہ پاکستان اور افغانستان کے درمیان16 اعلان شدہ کراسنگ پوائنٹس ہیں۔ اس کے علاوہ سینکڑوں غیر قانونی راستے موجود ہیں۔غلام خان کے علاوہ کرم ایجنسی خرلاچی سرحدی پوائنٹ کو بھی ترقی دی جارہی ہے۔

آئی ایس پی آر کے مطابق افغانستان کے ساتھ سرحد پر نگرانی کیلئے فرنٹیئر کو ر کے73 ونگز بنائے جارہے ہیں ۔ ایک ونگ میں جوانوں کی تعداد850 ہو گی۔ اس وقت تک 29 ونگز بنائے جا چکے ہیں اور 14 بہت جلد فاٹا اور بلوچستان میں سرحدی امور کی ذمہ داری دی جائے گی۔صحافیوں کو بتا یا گیا کہ غلام خان سرحد تک موٹر وے کی طرح روڈ یا سڑک کی تعمیرکی گئی ہے اور سرحد کھلنے کے بعدنہ صرف شمالی وزیرستانبلکہ پاکستان اور پورے خطے کی تجارتی سرگرمیوں میں اس سرحدی گیٹ کا بڑا اہم کردار ہوگا۔

فوجی حکام اور شمالی وزیرستان کے انتظامیہ کے ایک عہدیدار نے صحافیوں کو بتایا کہ ضرب عضب آپریشن کے بعد افغانستان جانے والے پاکستان کے زیادہ لوگ واپس آگئے ہیں تاہم بقیہ رہنے والے بھی جلد واپس آجائیں گے۔ انہوں نے کہا کہ باقی رہ جانے والوں کی واپسی 7کو فروری کو شروع ہونا تھی اور اس سلسلے میں پاکستانی حکام نے انتظامات بھی کر لیے تھے لیکن افغان حکام کی طرف سے انہیں نہیں آنے دیاگیا۔

صحافیوں کو بتایا گیا کہ واپسی کیلئے افغان حکام کے ساتھ باضابطہ رابطہ کیا گیا تھا تاہم بعد میں اس جانب سے وعدہ پورا نہیں کیا گیا۔صحافیوں کو افغان سرحد کیساتھ لگائی گئی باڑ دکھانے کے علاوہ میرانشاہ میں فوج کی جانب سے ترقیاتی کام دکھائے گئے۔زیر تعمیر منصوبوں میں سب سے بڑا میرانشاہ میں جدید طرز کا مارکیٹ تعمیر کرنا ہے۔

مارکیٹ کی تعمیر تکمیل کے آخری مراحل میں ہے اور صحافیوں کو بتایا کہ تقریباََ دو ماہ کے اندر اس کی تکمیل مکمل ہو جائیگی۔پاک افغان سرحد پر شمالی وزیرستان کے’ کیٹون‘ قلعہ میں بریفینگ دیتے ہوئے صحافیوں کو بتایا گیا کہ باڑ لگاناانتہائی مشکل کام ہے کیونکہ ہزاروں فٹ بلندی پر باڑ کی تعمیر کیلئے سامان کبھی کبھی کندھوں اورخچروں پر لے جایا جاتا ہے۔

آئی ایس پی آر کی جانب سے فراہم کی گئی معلومات کے مطابق تقریباََ 2611 کلو میٹر سرحد پر باڑ لگانے کا عمل دسمبر2019 تک مکمل کیا جائے گا جس پر 56 ارپ روپے لاگت کا تخمینہ لگایا گیا ہے۔منصوبے کے مطابق سرحدی نگرانی کیلئے تقریباََ 750 قلعے اور چیک پوسٹس بنائے جائیں گےاور ہر قلعہ ڈیڑھ کلومیٹر سے لیکرتین کلو میٹر کے فاصلے پر بنائے جائیں گے۔

گزشتہ سال باڑ کی تعمیر کے آغاز کے بعد اس وقت تک 140 قلعوں کی تعمیر مکمل کی گئی ہے اور 15 کی تعمیر پر اس وقت کام جاری ہے۔اس وقت تک باجوڑ ،مہمند، خیبر، شمالی اور جنوبی وزیرستان میں 160 کلو میٹر سرحد پر باڑ لگائی گئی ہیں۔فوجی حکام نے کہا کہ باڑ کی تعمیر سے سرحد کے دونوں جانب شرپسندوں کو موثر طریقے سے روکا جا سکے گا۔

صحافیوں کو بتایا گیا کہ پاکستانی اور افغان سائیڈ پر قلعوںاور چیک پوسٹوں کی تعداد میں سات اور ایک کا فرق ہے۔صرف شمالی وزیرستان کے دیگر سیکٹر میں اس وقت ٹوچی سکاؤٹس 93 چیک پوسٹوں کی نگرانی کررہے ہیں جبکہ افغان علاقے میں چیک پوسٹوں کی تعداد صرف11 ہیں۔ جس کا تناسب8.1 بنتا ہے۔ایک فوجی افسر نے بتایا کہ باڑ کے علاوہ پاک فوج سرحد کی ٹیکنیکل مانیٹرنگ کیلئے بہت موثر آلات بھی لگا رہی ہے جس میں زیر زمین سنسر بھی شامل ہیں تاکہ نقل و حرکت کو معلوم کیا جاسکے۔

اس کے علاوہ دور تک دکھائے دینے والےکیمرے بھی لگائے جا رہے ہیں۔سولر لائٹس اور دوہری مواصلاتی نظام کی تنصیب بھی کی جارہی ہے۔ایک سوال پر اعلیٰ فوجی کمانڈر نے ان میڈیا رپورٹس کی تردید کی کہ بارودی سرنگوں کی وجہ سے عام لوگوں کی اموات میں اضافہ ہوا ہے۔انہوں نے کہا کہ بارودی سرنگوں کو یاتو صاف کردیا گیا ہے اور لوگ کچھ پہاڑی علاقوں میں موجودبھی ہیں تو وہاں اس کی واضح طور نشاندہی کی گئی ہے اور وہ سرحد پر غیر قانونی آمد ورفت کو روکنے کیلئے بچھائی گئی تھیں۔

فوجی کمانڈر نے اس تاثر کو بھی غلط قرار دیا ہے کہ اجتماعی سزا کا نظام اس وقت بھی موجود ہے۔انہوں نے کہا کہ یہ تاثر عوام اور سکیورٹی فورسز کے درمیان بد اعتمادی پیدا کرنے کیلئے پھیلائی جارہاہے ۔ انہوں نے کہا کہ قبائلی عوام ہمارے اپنے لوگ ہیں اور ان کا تحفظ ہماری ذمہ داری ہے۔

ــــــــــــــــــــــــــــــــــــــــــــــــــــــــــــــــ
آج کی سب سے زیادہدیکھی جانے والی ویڈیو

ــــــــــــــــــــــــــــــــــــــــــــــــــــــــــــــــ
آج کی سب سے زیادہ پڑھی جانے والی تحریر

حج و قربانی کے عظیم مقاصد

ماہ ذی الحجہ ان أشھرالحرم میں سے ایک ہے جن میںرب کائنات نے دنیائے انسانیت کو جنگ و جدال ،قتل و خونریزی ،گالی گلو چ اور منہیات ومنکرات سے خصوصی طور پر منع فرمایا ہے اورنصوص شرعیہ سے اس کی حرمت و فضیلت کو واضح کیا ۔نیز ’وَالْفَجْرِ، وَلَيَالٍ عَشْرٍ ، وَالشَّفْعِ وَالْوَتْرِ ‘‘کہکر اس کی اہمیت کومزید اجاگرکیا ،الغرض یہی وہ متبرک مہینہ ہے جس کا پہلا عشرہ سال کے تمام دنوںسے افضل و معتبرہے جس میں یوم عرفہ بھی ہے جس کا وقوف ،حج کا اہم ترین رکن اور غیر حجاج کےلئے اس دن کا روزہ دو سال کے گناہوںکےمغفرت کا ذریعہ ہے ،اسی ماہ مبارک میں یوم النحراورعید قرباںبھی ہے جس دن بندہ مومن شکرانے کی دو رکعت نمازادا کرتے ہوئےرب کی رضاجوئی کی خاطرحسب استطاعت بہیمۃ الانعام میں سےاللہ کے نام کا ذبیحہ پیش کرتاہےجس کےگوشت سے خودمستفید ہوتا ہےاور اپنے اعزہ واقارب، دوست و احباب اورغرباءومساکین کوبھی کھلاتا ہے، جس کا خون زمین پر گرنے سے پہلے دربارالٰہی میں مقبول ہوجاتاہےاسی کورب ذوالجلال نے ’’لَن یَنَالَ اللَّہَ لُحُومُہَا وَلَادِمَاؤُہَا وَلَکِن یَنَالُہُ التَّقْوَی مِنکُمْ ‘‘ کے مفہوم میں بیان فرمایا ہے ۔

اسی ماہ مبارک میں حج جیسے اہم فریضہ کی ادائیگی کی جاتی ہے جو اسلام کا ایک اہم رکن ،اکثر شعائر اسلام کا جامع اوراہل ایمان کا ایک عظیم الشان فریضہ نیز تقرب الٰہی کابہترین ذریعہ ہےجو پوری دنیا میںبسے کروڑوں مسلمانوں کی اجتماعیت،اتحاد و اتفاق ،اخوت ومساوات ،الفت و محبت اورآپسی بھائی چارگی کا عظیم مظہر ہے ،یہ ایسا فریضہ ہے جو ہر مستطیع ،آزاد ،عاقل و بالغ مسلمان مرد وعورت پرزندگی میں ایک بار فرض ہے جس کو اللہ تعالیٰ نے ’’وَلِلّہِ عَلَی النَّاسِ حِجُّ الْبَیْتِ مَنِ اسْتَطَاعَ إِلَیْہِ سَبِیْلاً وَمَن کَفَرَ فَإِنَّ اللہ غَنِیٌّ عَنِ الْعَالَمِیْنَ‘‘کے سنہرے الفاظ میں واضح فرمایاہے ۔

خوش نصیب اور قابل مبارکباد ہیں وہ افراد جنہیںاللہ تبارک و تعالیٰ نے اپنے مقدس گھر کی زیارت اور حرم مکی میںحاضری کا شرف بخشا ،جس کو روئے زمین پر بیت اللہ اور بیت عتیق ہونے کا اعزاز حاصل ہے۔ جسے اللہ کے دو برگزیدہ پیغمبر ابراہیم خلیل اللہ اور ان کے فرزند ارجمند اسماعیل ذبیح اللہ نے اپنے ہاتھوںسے تعمیرکیا اور مرحلہ تکمیل سے گذرنے کے بعد بحکم الٰہی ’’وَأَذِّن فِی النَّاسِ بِالْحَجِّ یَأْتُوکَ رِجَالاً وَعَلَی کُلِّ ضَامِرٍ یَأْتِیْنَ مِن کُلِّ فَجٍّ عَمِیْقٍ‘‘کی روشنی میں اپنی نحیف سی آواز میں ایک پہاڑ کی چوٹی پرچڑھ کر ندالگائی کہ اے لوگو!تم میںسے ہر وہ شخص جسے اس گھر کی زیارت کی طاقت اوراستطاعت ہو وہ ضرور اس کی زیارت کرے ۔ آج اسی نحیف وکمزور صداکا ثمرہ ہے کہ ہرسال لاکھوں،کروڑوں کی شکل میں ضیوف الرحمٰن کا یہ قافلہ بڑی والہانہ وسرفروشانہ انداز میںایک ہی لباس اور ایک ہی انداز میں نعر ہ تکبیر’’لبیک اللھم لبیک ،لبیک لا شریک لک لبیک ‘‘ بلند کرتے ہوئے سوئے حجاز کی طرف رواں دواں ہوتاہےجہاں امیر و غریب ،شاہ و گدا،کالے گورے اورعربی وعجمی کا فرق مٹ جاتاہے ،جہاں لباس کا امتیاز ختم اورزبان کی حدبندیاں مٹ جاتی ہیں اور تمام انسان عملی طورپر یکساںاور برابر ہوجاتے ہیںگویا حج انسانی مساوات کا وہ مثالی علامتی اعلان ہوتاہے جو بندہ اپنے قول و فعل اور عمل وکردارسے انجام دیتاہے او راپنے مالک حقیقی کو راضی و خوش کرنے کا طریقہ اختیار کرتاہے ۔

حج کےبے شماردینی ،دنیاوی اور اخروی فوائدہیںجن سے براہ راست دنیا کے تمام مسلمان مستفید ہوتے ہیں کیونکہ اگر ایک طرف حج کا تلبیہ پڑھ کر بارگاہ خداوندی میں حاضری درج کرانے کا شرف حاصل ہوتاہے ،اللہ کی وحدانیت و یکتایئت کی صدائیں بلند کرنے کا حو صلہ ملتاہے ،عبادت و ریاضت میں انہماک و استغراق کا والہانہ شوق پید اہوتاہے جو گناہوںکے کفارہ کا ذریعہ ،جہنم سے آزادی کاسبب اور دخول جنت کا وسیلہ بنتاہے تودوسری طرف اس سےعالمی مارکیٹ میں تجارت کو فروغ دینے کا موقع اور عالمی سطح پر اتحاد بین المسلمین کا پیغام اور یہ درس ملتاہے کہ تمام مسلمان ایک ساتھ مل کرآپس میںبھائی بھائی بن کررہیں، تاکہ ’’وکونوا عباد اللہ اخوانا ‘‘کی عملی دیوار کو مضبوطی حاصل ہو سکے۔

حج کے مقاصد کو بیان کرتےہوئے صاحب حجۃ شاہ ولی اللہ محدث دہلوی ؒ فرماتے ہیں کہ اس کا ایک اہم مقصد یہ بھی ہےکہ سیدنا ابراہیم و اسماعیل؉ کے چھوڑے ہوئے ترکہ و میراث کی حفاظت کی جائے ،اس لئےکہ یہ دونوںملت حنیفی کے امام اور عرب میںاس کے موسس اور بانی کہے جاسکتے ہیں اور نبی محترم ﷺ کی بعثت بھی اسی لیے ہوئی تھی کہ ملت حنیفی آپ کے ذریعہ دنیا میںغالب ہواور اس کا پرچم بلند ہو ، اسی وجہ سے آپﷺ کہا کرتے تھے کہ میں ابراہیم کی دعا ہوں ۔

جب ایک سیرت نگار ابراہیم خلیل اللہ کی حیات طیبہ اور سیرت مبارکہ اور ان کے خانوادہ کی موحدانہ و سرفروشانہ زندگیوں کا جائزہ لیتا ہے تو اس پریہ بات اظہر من الشمس ہوجاتی ہے کہ ان کی پوری زندگی إبتلاوآزمائش کے ہموم و غموم کابحربیکراںہے،عہد طفولیت و عنفوان شباب میں قوم وخاندان سےبےشمار بتوںکی پرستش کو چھوڑکرصرف ایک اللہ کی عبادت و پرستش کی خاطر دشمنی مول لیتے ہیں اوراعزہ واقارب کو چھوڑ کر ملک شام کی طرف کوچ کرجاتےہیں لیکن وہاں بھی چین وسکون کی فضا رأس نہیں آتی چنانچہ وہاںسے بھی مجبوراًکوچ کرنا پڑتا ہے اور ایک ایسی سرزمین پر اپنی اولاد کو چھوڑناپڑتا ہے جو زمین تمام انسانی ضروریات سے عاری تھی ،جہاںانسانی زندگی کا تصور نا ممکن تھا جس سرزمین کو قرآن نے’’ وادٍ غیر ذی زرع‘‘ سے تعبیر فرمایاہے آج جسےدنیامکہ مکرمہ کے نام سے موسوم کرتی ہے جو آج ہر قسم کی متنوع اشیا ءسے بھرا پڑاہے یہ بھی ابراہیم خلیل اللہ کی دعائوںکے طفیل ہے اسی وجہ سے رب ذوالمنن نے ان کو اسوہ بنانے کاحکم دیاہے۔

حج و قربانی اسی خانوادہ کی قربانیوںکی عظیم الشان یادگارہے کہ ایک باپ اپنے لخت جگر ،نو ر نظر اور بڑھاپے کی لاٹھی کو بحکم الہٰی اس کی راہ میں قربان کرنے کا فیصلہ کرلیتاہے اوراپنےبیٹے سےصلاح و مشورہ کرتے ہوئے کہتاہے ’’ یَا بُنَیَّ إِنِّیْ أَرَی فِیْ الْمَنَامِ أَنِّیْ أَذْبَحُکَ ‘‘کہ اے میرےبیٹے میں نے خواب میں دیکھا ہےکہ تجھ کو ذبح کررہا ہوں ’’ فَانظُرْ مَاذَا تَرَی‘‘توتم بتائو تمہاری کیا رائے ہے ، قربان جایئے اس نور نظر پر کہ بیٹا باپ کی بات سن کر گویا ہوتاہے ’’ یَا أَبَتِ افْعَلْ مَا تُؤْمَرُ سَتَجِدُنِیْ إِن شَاء اللَّہُ مِنَ الصَّابِرِیْن‘‘ کہ اے ابا جان آپ وہ کام کر ڈالئے جس کا اللہ نے آپ کو حکم دیاہے ان شاء اللہ آپ مجھے صابر و شاکر پائیںگے ۔ چنانچہ ایک باپ اپنے بیٹے کو ذبح کرنے اور ایک بیٹا اپنے باپ کے ہاتھوں ذبح ہونے کے لئےدونو ں ایک ہی جذبہ وعقیدت کے ساتھ منٰی کی طرف نکل پڑتےہیں،اورباپ ہے جواپنےلخت جگر کے حلقوم پرعزم وہمت اور صبر و استقلال کے ساتھ چھری چلادیتاہے لیکن چھری ہے کہ کام نہیں کررہی ہے، اس لئے نہیں کہ اس میںدھار نہیں تھی بلکہ اس لئے کہ عرش والے کو بیٹے کی جان مطلوب نہ تھی بلکہ اپنے خلیل کا امتحان مقصود تھا اور دونوںمقصود خداوندی میں کامیاب ہوتے ہیںاور آسماںسے ندا آتی ہے ’’قَدْ صَدَّقْتَ الرُّؤْیَا إِنَّا کَذَلِکَ نَجْزِی الْمُحْسِنِیْنَ ‘‘ اے ابراہیم! تو نے اپنے خواب کو سچ کر دکھایا ہم اسی طرح محسنین کو اچھا بدلہ دیتےہیںاور’’وَفَدَیْنَاہُ بِذِبْحٍ عَظِیْمٍ وَتَرَکْنَا عَلَیْہِ فِیْ الْآخِرِیْنَ ‘‘ لاڈلے بیٹے کی جگہ جنت سے ایک دنبہ اتار کر اسے ذبح کرنے کا حکم دیااور اس عظیم قربانی کو تاقیامت زندہ جاوید بنا دیا ، جو ابراہیم خلیل اللہ او ران کے بیٹے اسماعیل ذبیح اللہ کی یاد تازہ کرتی ہے ۔جس کا بنیادی مقصد یہ ہے کہ لوگ اس قربانی کے ذریعے ان برگزیدہ پیغمبروںکی سیرت سے استفادہ کرتےہوئے ان کے اوصاف حمیدہ سے اپنے آپ کو مسلح کریں تاکہ بوقت ضرورت اللہ کی رضا کی خاطر اپنےجان و مال کی قربانی پیش کرنے کی ضرورت پڑے تو اس سے بھی دریغ نہ کریں،یہ قربانی صرف مال کی قربانی نہیں ہے یا اس کا مطلب صرف یہ نہیں ہے کہ جانور ذبح کیا جائے اور اسکا گوشت کھایا اور کھلایا جائے بلکہ اس کا حقیقی مقصد نفسانی خواہشات کی ،غلط جذبات کی اور برے خیالات و ارادوںکی قربانی ہے ،یہ قربانی دراصل ایک مشق اور تمرین ہے اس عظیم قربانی کی جو ابراہیم خلیل اللہ نےاللہ کی رضا کی خاطر اس کی راہ میں پیش کیا تھا ۔ہم سے بھی آج وہی جذبہ اور وہی ایثار و قربانی مطلوب ہے۔یہ قربانی بندے اور اللہ کے درمیان ایک عہد وپیمان ہے کہ حکم خداوندی کی تعمیل میںاگر ہمیںاپنا سب سے قیمتی سرمایہ قربان کرنا پڑے اور اللہ کا نام لینے کی وجہ سے زندگی اور مال و اولاد کا تحفہ دینا پڑے تو اس سے بھی گریز نہیںکریںگے۔ اگر یہ مقصد و مصلحت سامنے نہ ہو تو صرف خون بہانا اور گوشت کھانا وکھلانا رہ جائے گا اور ہماری قربانی ایک روایتی قربانی بن کر رہ جائے گی ۔

حج وقربانی کا ایک بڑا بنیادی مقصد یہ ہے کہ ملت حنیفی کے امام ومو سس ابراہیم خلیل اللہ سے اپنا رشتہ استوار کیاجائے ،ان کے نقش قدم پر چل کر اپنے اعمال و افعال کی اصلاح کی جائے ،ان کی سیرت او رجانثاری و فداکاری اور خلوص و للہیت کو سامنے رکھکر اپنی زندگی کا موازنہ و محاسبہ کیا جائے ۔حج ایک قسم کا سالانہ اجتماع ہےجو سارے انسان کو ایک کنبہ و خاندان ہونے کا پتہ دیتاہے ۔

اگر یہ مقاصدکارفرماہیں تو یقینا ہماری قربانیاںرب کے دربار میںمقبول ہوںگی اور ہم اس اجر عظیم کے مستحق ہوں گے جس کا ہم سے وعدہ کیاگیا ہے ۔اور ہمارا حج فریضہ خداوندی کی ادائیگی کا مظہر ہوگا جو ہمارے گناہوں کا کفارہ ہوگا اور قوم مسلم کو وحدت کی شکل اختیار کرنے کی راہ ہموار کرے گا ۔

اپنا تبصرہ بھیجیں